Moza (Sweetness)
Soe Raza

Moza (Sweetness)

 

Saár moza gorom-gorom

Fanor moza súarit

Dailor moza tolat

Góror moza beçir hátot

Farar moza múra-ferat

Hálor moza masót

Doijjar moza sorot

Hotár moza feñsot

Masór moza lesót

Mairor moza fiçót

Háar moza zilót

Cóoror moza gañçít

Rastar moza berat

Forár moza báfat

Dhoiyór moza háñrir matát

Gaár moza talot

Zubanor moza hotát

Fúlor moza sórat

Fuáindor moza araberát

Aamor moza buañdhdhit

Dafor moza fanít

Fiçár moza norom-norom

Modúr moza renut

Bulbulir moza gasót

Boiddor moza háñtot

Foolor moza nasot

Bouwor moza saát

Kélar moza zunáffoijja raitot

Kétir moza cina mulat

Dhánor moza hólat

Házur moza roóiyot

Manúic bála sóyot

Sálonor moza hóloit-nun-morisot

Noiya bouwór moza keñeilot

Moza hoçé fúraitóu

Moza hoói nofúraibóu

Zaiyoum hoçé hé moza tuaitóu

Cúnar Arakan félai cánti hoçé faitóu

Arakanor moza saiyó foórai zaibou

Jane-dile saái Arakan

Azad goró, ói kurban

Morotfuain-maiafuain, fúañti do foran

Maana moza nofaibá Arakan

Zetúun ducmon oré nóo goró hán-han.

Basaibár kucíc goró, maa-bóin ór izzot-córman.


Related Posts